IBALA LASE GQEBERHA KULAPHO AMBHAKANIYA AZOKUQOBISANA NE CHIPPA
GQEBERHA- Iqela lezebhola ekhatywayo iChippa United lizakube lisingathe umdlalo walo liqobisana neOrlando Pirates kwibala iNelson Mandela kwindebe yeNedbank yesiqingatha-sokugqibela.
Usihlalo weqela iChippa United uChippa Mpangesi ukubhengeze oku ngeCawa emveni kokuba iqela lakhe libhaxabule iTS Galaxy ngamabini eqandeni.
Abalandeli beChippa United bawulindele ngamehlo abomvu lomdlalo, kwaye bayanqwala ukuba izokuba ngumngcelele iqela labo lisingise kwibala lezemidlalo iMbombela kumdlalo wamagqibela kankqoyi walendebe.
IChippa United izokuqobisana neOrlando Piarates ngomhla wesine kuCanzibe ukanti iMamelodi Sundowns yona izokuqobisana neStellenboch FC.
Ukanti kanjaloqo iChippa United izokuqobisana neMoroka Swallows ngosuku leholide yabasebenzi(01 kuCanzibe) kwibala lezemidlalo iBuffalo City, eMonti ngentsimbi yesithathu.
17 Tshazimpuzi 2024