UMASIPALA UZOKUSINGATHA UMBONISO WOMSEBENZI
NQWEBA- Ngabafundi bematriki okuqikelelwa ukuba bazokubangapha kwamakhulu amathathu(300) abaphuma kwizikolo zamabanga aphezulu, abazokubayinxalanye yomboniso womsebenzi(Career Expo) ozokube usingathwe ngumasipala wasekuhlaleni iSundays River Valley, eNqweba ngomhla we24 kule imiyo.
Ababafundi bazokube bephuma kwizikolo zamabanga aphezulu ezikumasipala iSundays River Valley.
Ababafundi bazokube bejikeleziswa kulomsitho, becaciselwa ngezakhono, bekwafundiswa nangokufaka izicelo kumaziko ezemfundo ephakamileyo belungiselele unyaka ozayo wabo wokufunda. Bahlohlwe nangolwazi lokufaka izicelo zenkxaso-mali yokufunda kumaziko aphakamileyo.
Kulonyaka izokube ingumsitho we Career Expo wesithathu.
Lomsitho uzokube uqhutywa ngokuzidla ngamaziko abucala okuquka kuwo isiseko iSRCC, SAN Parks(Addol Elephant National Park) intsebenziswano kunye nomasipala iSundays River Valley kunye nesebe laabasebenzi kunye neziseko.
Ukubala abaxhasi balomsitho kuquka umbutho wono-teksi waseTinarha kunye neDistrict Taxi Association, Border Taxi Association, Sundays River Valley Citrus Producers Forum, Kirkwood Hoerskool, umasipala wesithili saseSarah Baartman, Blunden Coach Tours, ibhanka First National Bank.
Ukongeza abaququzeleli balomsitho bakwaqweba iqhinga lokusingatha umsitho okumila kanje bewusingathela abafundi abenza ibanga lesixhenxe, ukwenzela bangabhidakali ekukhetheni izifundo xabefika kwibanga lesibhozo.
Othethela umasipala iSundays River Valley nokwangu mququzeleli walomsitho uZusiphe Jali, unqwalile ukuba bayalubona uhlumo nyaka-nanyaka kulomsitho, kwaye babamba ngazo zozibini kwinkxaso abayifumanayo.
“Mnintsi kakhulu umahluko endiwubonayo kulomsitho ukusukela kunyaka wokuqala, andifuni ungatsho ukuba ndizingomba isifuba ngokubayinxalanye yalomsitho ukanti sizama ngako konke okusemandleni ukuzisa utshintsho kulutsha,” Jali.
Ukongeza uJali ukwabambe ngazo zozibini ngokungazenzisiyo kwabo bachaphazelekayo kunye nabaxhasi abaqhubeka bexhasa lomsitho, “ndiyatheba ukuba kulonyaka uzayo bakhona abaxhasi abazokuza ngaphambili nabo basixhase kulomsitho,” uthethe watsho uJali.
Lomsitho uzokuqhubeka ngomhla we24 kuTshazimpuzi kwisikolo iHoerskool ngentsimbi yesibhozo kusasa.
Ukongeza amaziko ezemfundo ephakamileyo ohlukeneyo, iibhanka ezahlukeneyo, amasebe karhulumente ngokwahlukana kwawo, amashishini abucala namanye amaziko azokube ethe qwadalala ngalemini ikhankanyiweyo ngasentla exakekile ehlohla ulwazi kubafundi elubafaneleyo.
23 Tshazimpuzi 2024
