KUDUTYULWE KWABULAWA UNOGADA EKLINIKI
NGQELENI- Unogada ogada kwi kliniki yaseMaqanyeni, eNgqeleni udutyulwe lahlanza iselwa ngobusuku bayizolo umhla we-26 kuTshazimpuzi. Lonogada udutyulwe ngexesha izigilamkhuba zoonqevu beziyokuqhekeza kule kliniki.
Ezizikrelemnqa zibe iikhompuyutha ezintlanu zadubula nonogada.
UMphathiswa wesebe lezempilo ephondweni uNomakhosazana Meth usikhalimele kabukhali esisenzo, ekwagqithisa amazwi ovelwano ngakusapho lalonogada olugutyungelwe lilifu elimnyama.
UMphathiswa wongeze ngokuthi, “Sibiza abakwantsasana ukuba bathi nca ezithendeni zezikrelemqa beqinisekisa ukuba bayafumaneka. Ndicela abahlali basebenzisane ukuze zifumaneke ngokukhawuleza ezizikrelemnqa”.
ISebe lingqinile ukuba ibambela ntloko kwisebe lezempilo ephondweni uMiyakazi Nokwe ephelekwe ligqiza eliphezulu kwisebe namhlanje bebendwendwele ikhaya lonogada ongasekhoyo.
27 Tshazimpuzi 2024