Iindaba

IPHONDO LIYAZINDLA NGOKUBANENDAWO ZOKUNCANCISA IZITHUTHI ZOMBANE

EMONTI- Kuphehlelelwe ngokusesikweni indawo zokuncancisa izithuthi ezihamba ngombane(Electric vehicle charging stations), eMthatha kunye naseMonti.

Isebe lezophuhliso loqoqosho kunye nezimali ephondweni lityekezele i-arhente ejamelene noshishino lwezithuthi eMpuma Koloni(AIDC) isixa-semali esingange zigidi zerandi ezingamashumi anesibhozo(R80 milllion).

Ezindawo zokuncancisa ezizithuthi ziphehlelelwe ngomhla we-23 Canzibe, eMthatha ukanti eMonti ngomhla we-24 Canzibe 2024 nguMphathiswa welisebe ephondweni uMlungisi Mvoko.

Isitishi sokuqala sokuncancisa izithuthi zombane siphehlelelwe ngokusesikweni eMthatha, eDan’s Country Lodge, ukanti isitishi sesibini siphehlelelwe eMonti ngaphandle kwendawo yokutyela eGrazia.

UMphathiswa uMvoko ungqinile ukuba zizitishi ezilishumi elinanye ekulindeleke ukuba ziphehlelelwe kungekudala eziseleyo, ephondweni jikelele.

“Iphondo leMpuma Koloni linendima enkulu eliyidlalayo kushishino lwezithuthi yiyo lonto siqwebe eliqhinga lokufaka ezindawo zoku ncancisa izithuthi,” utshilo uMvoko.

Leprojkthi iququzelelwa yi arhente iAIDC.

Ingqonyela yakwaAIDC uThabo Shenxana ungqinile ukuba beyile arhente bazama ukuncedisana nabantu abanezithuthi zombane ukuba bakwazi ukuncancisa izithuthi zabo, yiyo lonto beqweba amaqhinga okufaka izintishi zokuncancisa izithuthi ephondweni jikelele.

Iidolophu ekulindeleke ukuba zibenezizitishi zokuncancisa izithuthi ezihamba ngombane ngezi zilalndelayo; Tsitsikama, Willowmore, Cawa, Makhanda, Cookhouse, eNxuba, eKhowa, eBhofolo, eKhowa kunye naseMaletswai. UMphathiswa ubongoza uluntu ukuba lingabinaxhala xalithenga izithuthi zombane nanjengoko belisebe besebenzisana ne arhente yezithuthi beqweba amaqhinga okufaka iindawo zokuncancisa izithuthi ephondweni jikelele. 24 Canzibe 2024