KUSWELEKE ABAKHWETHA ABABINI KUMAFOKO-FOKO EZIKOLO ZOLWALUKO
NGQELENI/SAJONISI- Ngabakhwetha ababini abaswelekileyo nabaswelekele kumafoko-foko ezikolo zolwaluko ezingekho semthethweni kummandla wase OR Tambo.
Ababakhwetha babini bayikhabe ibhekile ngeCawa, umbutho iCONTRALESA ukungqinile oku.
Umkhwetha waseSajonisi ngaphambi kokuba alondulele eli iingxelo zithyola ukuba ukhale ngonxano, ukanti umkhwetha waseNgqeleni umkhondo usemfiliba ukuba usweleke njani ukuzokuthi ga ngoku.
Unobhala wombutho iCONTRALESA uZolani Mkiva ungqinile ukuba ngokwenene bayikhabile ibhekile ababakhwetha bobabini, ukanti ikhankatha lomkhwetha waseSajonisi ngokwenene lingapha kwezintsixo.
UMkiva ugxininisile, “Singanqwala ukuba akukabanjwa mntu malunga nokusweleka komkhwetha waseNgqeleni”.
Oka Mkiva ubongoza abahlali ukuba bangavumeli ukuba kubekho izikolo zolwaluko ezingekho semthethweni.
Ukongeza uMkiva ugxininisile ukuba kumafoko-foko wezikolo zolwaluko abakhwetha abawaseliswa amanzi kwaye yingxaki enkulu leyo.
Kulwaluko lwasehlotyeni lonyaka ka-2023/24 kusweleke abakhwetha abalishumi elinesithathu(30) kwiphondo leMpuma Koloni.
19 EyeSilimela 2024