KUKHETHWE USOMLOMO ONEKAMVA ELIQAQAMBILEYO
KWABHACA- Ibhunga lomasipala wasekuhlaleni waseUmzimvubu likhethe ngamxhelo mnye usomlomo omtsha, uCeba Sivikele Mathebe ngomhla wa-22 KweyeKhala kule imiyo.
Oku kuza emva kokurhoxa kobesakuba nguSomlomo womasipala wasekuhlaleni waseUmzimvubu, uCeba uNkosomzi Nomnganga ngomhla we-08 KweyeKhala kule imiyo.
Ngokwengxelo edizwe ngumasipala wasekuhlaleni waseUmzimvubu, “USomlomo osandula kunyulwa uCeba Sivikele Mathebe unemvelaphi encomekayo kwiinkonzo zoluntu, equka imbali etyebileyo yeendima zobunkokeli kumbutho wabafundi kumaziko ezemfundo ephakamileyo iSASCO, kumbutho wezopolitiko kwicandelo lolutsha i-African National Congress(ANCYL), nokuba kwibhunga likamasipala wase Umzimvubu ukusukela ngo2021.”
Ukongeza lomasipala ukwamkele ngokupheleleyo ukuchongwa kukaCeba Mathebe njengoSomlomo, encoma ukuzinikela kwakhe kulawulo olululo nomthetho.
Umasipala wasekuhlaleni waseUmzimvubu ujonge lukhulu phantsi kobunkokheli bukaCeba Mathebe njengoSomlomo, ozinikele kulawulo olululo, uphuhliso kunye nenkqubela phambili.
Vuyolwethu Gotye
26 EyeKhala 2024