I-ARHENTE YEZENDLELA IQWEBA AMAQHINGA OKUPHUCULA UHOLA WENDLELA UR61 ENGCOBO
ENGCOBO- I-Arhente yezendlela(SANRAL) ibibambe indibano kwiholo laseEngcobo indoor sports centre ngomhla wa-26 kweyeKhala kule imiyo ngeenjongo zokukhanyisa ngeenkqubo zeprojekthi ezawuthi izophucula uhola wendlela uR61 kufuphi naseNgcobo.
Le ndibano ibikwaxhobisa namashishini asakhasayo(SMME’s) asekuhlaleni ngolwazi nezixhobo ezifunekayo ukuxhakamfula kweli thuba.
Obebambele uSodolophu womasipala wasekuhlaleni waseDr AB Xuma uCeba Sandiso Ngxangu uvakalise inkxaso yokuzibophelela kweSANRAL kwiziseko zeendlela ezikhuselekileyo.
“Iiprojekthi ezizayo zeSANRAL ziza kwenza umahluko omkhulu kubomi babantu ngokunciphisa iingozi nokufa kwabantu kuhola wendlela uR61,”utshilo uNgxangu.
“Oku akuphelelanga nje kwiindlela ezikhuselekileyo koko kukwaphucula ukufikelela kwiinkonzo ezibalulekileyo,” ugxininise watsho uNgxangu.
Ukongeza igosa lebgingqi lenguquko lakwaSANRAL uThandile Makwabe uthe, “Amagosa enguquko aza kubeka esweni le projekthi, enikezela ngengcebiso kumashishini asakhulayo kwaye ngolohlobo kungehla ukuxhatshazwa kwamashishini asekuhlaleni koko axhaswe.”
Le arhente yakwaSANRAL ayiqaqambisanga nje kuphela ukuzinikela kwe-arhente kwiindlela ezikhuselekileyo koko izimisele nokuguqula uphuhliso lweziseko ezingundoqo nokuncedisa kuqoqosho lwasekuhlaleni.
Vuyolwethu Gotye
29 EyeKhala 2024
